Enquisa conxuntural a fogares
Datos correspondentes ao Primeiro trimestre de 2026
Data de publicación: 24/04/2026
descarga en pdf
Principais resultados
- No primeiro trimestre de 2026, o indicador de confianza do consumidor (ICC) situouse en -17,94 puntos, 3,47 menos que no trimestre anterior.
- Diminuíron as catro compoñentes do ICC, co maior retroceso na perspectiva de evolución da situación económica de Galicia (-6,19 puntos)
- Nos últimos 3 meses o 24,58% dos fogares cambiou os seus hábitos de compra, sendo esta a medida económica máis empregada polos fogares para reducir gastos ou aumentar ingresos.
1 Indicador de confianza do consumidor
No primeiro trimestre de 2026, o indicador de confianza do consumidor (ICC) situouse en -17,94 puntos, o que supón unha caída de 3,47 puntos respecto ao trimestre anterior.
Neste período diminuíron os catro indicadores parciais de perspectivas de evolución: a situación financeira persoal (-3,76), a situación económica en Galicia (-6,19), a capacidade futura de aforro (-2,58) e o desemprego (-1,44).
| ICC | Situación financeira persoal (perspectivas de evolución) | Capacidade futura de aforro | Situación económica en Galicia (perspectivas de evolución) | Desemprego (perspectivas de evolución) | |
|---|---|---|---|---|---|
| 2023/I | -20,96 | -7,57 | -35,56 | -22,15 | -18,55 |
| 2023/II | -12,05 | -4,23 | -28,03 | -10,41 | -5,53 |
| 2023/III | -16,77 | -6,24 | -35,18 | -12,61 | -13,05 |
| 2023/IV | -22,92 | -10,25 | -38,03 | -23,67 | -19,71 |
| 2024/I | -16,27 | -5,12 | -31,59 | -15,90 | -12,45 |
| 2024/II | -13,21 | -6,61 | -28,31 | -11,91 | -6,01 |
| 2024/III | -13,93 | -6,17 | -27,29 | -11,55 | -10,70 |
| 2024/IV | -16,46 | -5,25 | -29,17 | -16,48 | -14,95 |
| 2025/I | -13,81 | -3,44 | -25,95 | -15,78 | -10,06 |
| 2025/II | -12,25 | -5,30 | -19,49 | -18,02 | -6,20 |
| 2025/III | -13,01 | -6,76 | -19,95 | -15,57 | -9,77 |
| 2025/IV | -14,47 | -7,08 | -22,44 | -17,93 | -10,42 |
| 2026/I | -17,94 | -10,86 | -25,02 | -24,02 | -11,86 |
| Fonte: IGE. Enquisa conxuntural a fogares (descarga da táboa). |
O indicador de confianza do consumidor varía en función dos ingresos do fogar. En xeral, os fogares con menores ingresos medios mensuais presentan valores máis baixos no ICC, mentres que a confianza aumenta ao incrementárense os ingresos do fogar. Non obstante, este trimestre o valor máis baixo do indicador sitúase nos fogares con ingresos entre 600 e 1.000€ (-37,33 puntos). Nos fogares con ingresos superiores a 3.000€ o ICC alcanza -3,79 puntos.
Indicador de confianza do consumidor
(ICC) segundo o intervalo de ingresos mensuais do fogar. Primeiro
trimestre de 2026. Galicia.
Unidade: Puntos de -100 a 100
Fonte: IGE. Enquisa conxuntural a fogares (descarga da táboa).
2 Medidas económicas tomadas polos fogares nos últimos tres meses
No primeiro trimestre de 2026, o 24,58% dos fogares galegos cambiou os seus hábitos de compra optando por marcas brancas, produtos en oferta etc. Esta foi a medida económica máis habitual empregada polos fogares para reducir os gastos, aumentar os ingresos ou afrontar pagos neste período..
A seguinte opción con maior frecuencia foi a diminución doutros gastos comúns distintos da alimentación (vestido e calzado, transporte, gas, electricidade, etc.) declarada polo 11,72% dos fogares. Un 3,53% dos fogares recibiu axuda económica de familiares ou amizades, un 2,58% tomou medidas financeiras e nun 1,63% algún membro do fogar comezou a traballar ou aumentou a súa xornada.
| 2025/I | 2025/II | 2025/III | 2025/IV | 2026/I | |
|---|---|---|---|---|---|
| Cambiar os seus hábitos de compra mercando marcas brancas, produtos en oferta… | 22,99 | 29,21 | 26,64 | 21,13 | 24,58 |
| Diminuír outros gastos comúns, como roupa e calzado, transporte, gas, electricidade…, agás alimentación | 17,15 | 13,21 | 14,92 | 11,49 | 11,72 |
| Algún dos membros do fogar tivo que poñerse a traballar ou aumentar a xornada de traballo | 0,78 | 2,92 | 2,75 | 1,40 | 1,63 |
| Recibir axuda económica de familiares ou amizades | 3,01 | 5,11 | 5,28 | 3,21 | 3,53 |
| Tomar medidas financeiras | 2,40 | 3,99 | 4,12 | 2,91 | 2,58 |
| Fonte: IGE. Enquisa conxuntural a fogares (descarga da táboa). |
O 17,63% dos fogares galegos non se permitiu ningún extra nos tres últimos meses. Considéranse como extra os gastos destinados a vacacións ou viaxes, facer fronte a imprevistos ou grandes compras, extras de alimentación, roupa ou calzado, a contratación de novos servizos para o fogar, así como saír a cear, ir ao cine… Tamén se inclúe nesta categoría a capacidade de aforrar, a redución de horas de traballo ou que algún membro do fogar se permitira deixar de traballar.
3 Medidas económicas que esperan realizar os fogares nos próximos tres meses
De cara aos próximos tres meses, o o 65,91% dos fogares galegos ten pensado realizar gastos en ocio (saír a cear, a cafeterías, ir ao cine ou ao teatro), o 41,82% realizar algún extra en produtos de alimentación, 39,70% prevé aforrar algo de cartos, e o 22,16% facer fronte a imprevistos ou grandes compras.
| 2025/I | 2025/II | 2025/III | 2025/IV | 2026/I | |
|---|---|---|---|---|---|
| Pagarse unhas vacacións, viaxes ou estadías de lecer | 13,95 | 21,73 | 17,25 | 13,73 | 14,80 |
| Saír a cear, a cafeterías, ir ao cine, ao teatro | 64,34 | 73,66 | 73,28 | 65,53 | 65,91 |
| Facer fronte a imprevistos ou grandes compras | 21,12 | 22,66 | 22,46 | 22,60 | 22,16 |
| Aforrar algo de cartos | 38,49 | 42,24 | 41,85 | 41,56 | 39,70 |
| Facer algún extra en produtos de alimentación | 44,43 | 49,01 | 49,77 | 61,53 | 41,82 |
| Algunha compra extraordinaria en roupa ou calzado | 18,89 | 18,51 | 15,77 | 24,65 | 13,24 |
| Fonte: IGE. Enquisa conxuntural a fogares (descarga da táboa). |
A comparación co trimestre anterior está condicionada polas pautas de gasto asociadas ao período de Nadal, que afectan sobre todo á intención de gasto en alimentación e en roupa e calzado. En relación co 1º trimestre de 2025, diminúe a intención de realizar gasto extraordinario en alimentación (-2,61 puntos) e en roupa e calzado (-5,65 puntos). As restantes previsións mantéñense en niveis similares.
4 Compra de vivenda e coche nos fogares
O 13,04% dos fogares galegos está a pagar a vivenda principal na que reside, o 8,82% o coche e o 2,94% unha segunda vivenda. Con respecto ao primeiro trimestre de 2025, a porcentaxe de fogares que paga a vivenda habitual reduciuse en 0,39 puntos.
| 2025/I | 2025/II | 2025/III | 2025/IV | 2026/I | |
|---|---|---|---|---|---|
| Vivenda principal | 13,43 | 12,47 | 12,92 | 12,94 | 13,04 |
| Segunda vivenda | 2,61 | 2,94 | 2,91 | 3,15 | 2,94 |
| Coche | 8,22 | 8,13 | 10,51 | 10,38 | 8,82 |
| Fonte: IGE. Enquisa conxuntural a fogares (descarga da táboa). |
5 Notas metodolóxicas
Os obxectivos principais da Enquisa conxuntural a fogares (ECF) son os seguintes:
Construír o Indicador de Confianza do Consumidor (ICC) e o Indicador de Sentimento do Consumidor (ISC), que permiten obter un rápido coñecemento dos cambios na percepción do consumidor respecto as súas expectativas de gasto e aforro, así como da situación económica persoal e xeral da comunidade autónoma. As percepcións dos fogares, independentemente dos indicadores macroeconómicos, son unha ferramenta moi útil para a análise económica a curto prazo.
Proporcionar información sobre as medidas que toman, ou pensan tomar, os fogares galegos segundo sexa a súa propia situación económica: decisións sobre os gastos efectuados, aforro, número de horas a traballar, solucións financeiras etc.
O ICC varía de -100 a 100, sendo o valor 0 o punto neutral; valores positivos do indicador amosan optimismo e valores negativos indican pesimismo por parte dos consumidores galegos.
6 Definicións, metodoloxía, fontes e máis información
Definicións
Metodoloxía
Descarga de datos
- Indicador de confianza do consumidor (ICC) e as súas compoñentes. Galicia
- Indicador de confianza do consumidor (ICC) e indicador de sentimento do consumidor (ISC) por intervalo de ingresos mensuais do fogar. Galicia
- Fogares que non se permitiron ningún extra nos últimos tres meses. Galicia
- Fogares que tomaron as seguintes medidas para reducir gastos, aumentar ingresos ou afrontar pagos nos últimos tres meses. Galicia
- Fogares que teñen pensado permitirse os seguintes extras nos próximos tres meses. Galicia
- Fogares que teñen comprado e están pagando a vivenda ou o coche. Galicia
Fontes de información
IGE. Enquisa conxuntural a fogares elaborada polo IGE.