Explotación do Boletín Oficial do Rexistro Mercantil (BORME).
Datos correspondentes a outubro de 2026
Data de publicación: 03/11/2026
descarga en pdf
Principais resultados
En outubro rexistrouse un incremento na creación de sociedades mercantís en Galicia, cun total de 395 novas empresas, 76 máis que no mes anterior. No acumulado dos dez primeiros meses do ano, as constitucións alcanzaron as 4.052 sociedades, o que supón un aumento do 6,7 % respecto ao mesmo período de 2025.
As disolucións tamén aumentaron en outubro, con 99 sociedades afectadas, 13 máis que en setembro e 21 máis que no mesmo mes do ano pasado. No que vai de ano contabilizáronse 1.246 disolucións, un 7,1 % máis que no período equivalente de 2025.
1. Constitucións e ampliacións
A creación de sociedades mercantís recuperou dinamismo en outubro, despois da evolución dos dous meses anteriores. Neste mes constituíronse 395 sociedades en Galicia, 76 máis que en setembro. Esta evolución mantén en positivo o balance anual, xa que entre xaneiro e outubro se rexistraron 4.052 novas empresas, un 6,7 % máis que no mesmo período do ano anterior.
O capital subscrito polas sociedades constituídas situouse en 9,8 millóns de euros, cunha media de 24.858,26 euros por sociedade.
| Dato do Mes | Variación absoluta mensual | Variación absoluta interanual | |
|---|---|---|---|
| Sociedades constituídas | 395 | 76 | -3 |
| Sociedades que amplían capital | 83 | 10 | -8 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
| Dato do Mes | Taxa de variación mensual (%) | Taxa de variación interanual (%) | |
|---|---|---|---|
| Sociedades constituídas | 9.819.014 | 180,15 | -61,78 |
| Sociedades que amplían capital | 14.272.662 | 55,34 | -31,06 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
Pola súa parte, contabilizáronse 83 sociedades que ampliaron capital, dez máis que no mes anterior, aínda que oito menos que en outubro de 2025. O importe total do capital ampliado ascendeu a 14,3 millóns de euros.
Desde o punto de vista territorial, a creación de empresas concentrouse principalmente nas provincias da Coruña e Pontevedra, que reuniron conxuntamente case o 80 % das novas sociedades. A Coruña encabezou a distribución, con 161 constitucións (40,76 % do total), seguida de Pontevedra, con 153 (38,73 %). A continuación situáronse Lugo, con 45 sociedades (11,39 %), e Ourense, con 36 (9,11 %).
| Espazo | Número | Porcentaxe |
|---|---|---|
| Galicia | 395 | 100,00 |
| A Coruña | 161 | 40,76 |
| Lugo | 45 | 11,39 |
| Ourense | 36 | 9,11 |
| Pontevedra | 153 | 38,73 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
2. Demografía das empresas constituídas
A forma xurídica predominante entre as sociedades de nova creación continúa sendo a sociedade limitada. Das 395 empresas constituídas en outubro, 393 adoptaron esta modalidade, mentres que as dúas restantes corresponderon a outras formas societarias. Non se rexistrou ningunha constitución de sociedades anónimas.
As sociedades limitadas constituídas neste mes achegaron a totalidade do capital subscrito, cunha media de 24.984,77 euros por empresa.
| Número | Capital | Capital medio | |
|---|---|---|---|
| Sociedades Mercantís (Total) | 395 | 9.819.014 | 24.858,26 |
| Sociedades Anónimas (SA) | 0 | 0 | - |
| Sociedades Limitadas (SL) | 393 | 9.819.014 | 24.984,77 |
| Outras sociedades | 2 | 0 | 0,00 |
|
Fonte: IGE. Explotación do Boletín Oficial do Rexistro
Mercantil (BORME). (descarga
da táboa). (–) Non procede |
Polo que respecta á actividade económica, Actividades inmobiliarias, financeiras e de seguros foi a rama con maior presenza entre as novas sociedades, ao concentrar o 18,48 % das constitucións. As seguintes actividades en importancia son Hostalaría (co 13,67 % das constitucións rexistradas en outubro de 2026), Comercio (co 12,91 %), Construción (co 11,65 %) e Resto de servizos (co 11,65 %).
Sociedades mercantís constituídas segundo a actividade
económica. Galicia.
Outubro de 2026
Fonte: IGE. Explotación do Boletín Oficial do Rexistro Mercantil (BORME). (descarga da táboa).
A distribución dos socios fundadores por sexo continúa amosando unha maior presenza masculina. En outubro rexistráronse 368 socios fundadores homes, que representan o 77,64 % do total, fronte a 106 socias (22,36 %).
| Sexo | Dato | Porcentaxe |
|---|---|---|
| Homes | 368 | 77,64 |
| Mulleres | 106 | 22,36 |
| Total | 474 | 100,00 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
As novas sociedades presentan unha estrutura societaria pouco numerosa: tres de cada catro empresas constituíronse cun único socio fundador (74,68 %), mentres que outro 21,27 % contou con dous socios.
3. Disolucións, reducións de capital e transformación de sociedades
En outubro de 2026 disolvéronse 99 sociedades mercantís en Galicia, 13 máis que no mes anterior e 21 máis que no mesmo mes de 2025. No balance dos dez primeiros meses do ano, as disolucións ascenderon a 1.246, un 7,1 % máis que as observadas no mesmo período do exercicio anterior.
Durante este mes tamén se rexistraron 13 reducións de capital social, así como 3 procedementos de fusión e 3 de escisión de sociedades.
O mes de outubro de 2026 pechou con 7 sociedades afectadas por concurso de acredores, 23 menos que no mesmo mes do ano anterior.
| Tempo | Realiza escisión | Fusionadas | Situación concursal |
|---|---|---|---|
| 2025/Outubro | 2 | 6 | 30 |
| 2026/Setembro | 0 | 7 | 3 |
| 2026/Outubro | 3 | 3 | 7 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
4. Distribución das constitucións por concellos
A distribución territorial das novas sociedades nos últimos 12 meses evidencia unha concentración da actividade emprendedora nas áreas urbanas e nos concellos da súa contorna.
Sociedades mercantís constituídas segundo o concello de inscrición nos últimos 12 meses. Galicia
Notas metodolóxicas
A Explotación do Boletín Oficial do Rexistro Mercantil (BORME) é unha operación estatística que elabora o Instituto Galego de Estatística (IGE) con carácter mensual. Na devandita explotación informativa do BORME, aténdese para facer os cálculos á data de publicación de cada incidencia.
O obxectivo desta operación é medir a demografía das sociedades mercantís en Galicia, ofrecendo información sobre os seguintes puntos:
- As empresas creadas, as que amplían e reducen capital, e as que desembolsan dividendos pasivos.
- Información sobre as empresas en situación concursal e as quebras, disolucións, extincións e transformacións de sociedades ocorridas no mes de estudo.
- Información sobre o número de socios fundadores das sociedades constituídas cada mes, así como da súa distribución por sexo.
Definicións, fontes e máis información
Definicións
Descarga de datos
Sociedades mercantís constituídas segundo a forma xurídica. Galicia e provincias
Sociedades mercantís constituídas segundo a CNAE 2025. Galicia e provincias
Distribución dos socios fundadores segundo o sexo e a forma xurídica da sociedade mercantil. Galicia
Sociedades mercantís constituídas segundo o concello de inscrición
Sociedades mercantís con escisións, fusións e concurso de acredores. Galicia