Explotación do Boletín Oficial do Rexistro Mercantil (BORME).
Datos correspondentes a xullo de 2026
Data de publicación: 03/08/2026
descarga en pdf
Principais resultados
En xullo de 2026, rexistráronse en Galicia 420 constitucións de sociedades mercantís, 24 máis que no mes de xuño. No que vai de ano constituíronse algo máis de 3.000 sociedades, o que supón un incremento do 7,7% respecto ao mesmo período do ano anterior.
No mes de xullo, notificáronse 112 disolucións de sociedades mercantís en Galicia, 21 máis que o mes anterior. Nos 7 primeiros meses do ano disolvéronse preto de 1.000 sociedades.
1. Constitucións e ampliacións
En xullo de 2026 constituíronse en Galicia 420 sociedades mercantís, o que supón 24 constitucións máis que no mes anterior e 39 máis que no mesmo mes do ano anterior. Co dato de xullo o número de sociedades constituídas no que vai de ano ascende a 3.019 o que supón un 7,7% máis que nos 7 primeiros meses de 2025.
| Dato do Mes | Variación absoluta mensual | Variación absoluta interanual | |
|---|---|---|---|
| Sociedades constituídas | 420 | 24 | 39 |
| Sociedades que amplían capital | 88 | -3 | 16 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
| Dato do Mes | Taxa de variación mensual (%) | Taxa de variación interanual (%) | |
|---|---|---|---|
| Sociedades constituídas | 12.921.544 | -29,01 | -11,23 |
| Sociedades que amplían capital | 66.498.406 | -77,50 | 75,17 |
Pola súa parte, 88 sociedades mercantís ampliaron o seu capital social durante este período, 16 sociedades máis que as rexistradas hai 12 meses. O capital ampliado por estas sociedades ascendeu a 66,50 millóns de euros.
A Coruña e Pontevedra continúan sendo as provincias con maior dinamismo na creación de sociedades mercantís, concentrando conxuntamente máis de oito de cada dez constitucións rexistradas en Galicia (45,48% e 36,43%, respectivamente). Lugo e Ourense manteñen unha participación máis reducida, representando o 12,38% e o 5,71% restante.
| Espazo | Número | Porcentaxe |
|---|---|---|
| Galicia | 420 | 100,00 |
| A Coruña | 191 | 45,48 |
| Lugo | 52 | 12,38 |
| Ourense | 24 | 5,71 |
| Pontevedra | 153 | 36,43 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
2. Demografía das empresas constituídas
O capital medio1 subscrito polas sociedades constituídas en xullo de 2026 ascendeu a 30.765,58 euros por sociedade.
A práctica totalidade das empresas constituídas en xullo de 2026 en Galicia adoptaron a forma xurídica de sociedade de responsabilidade limitada, confirmando o claro predominio desta forma xurídica na creación de empresas en Galicia. O capital medio subscrito por este tipo de sociedades foi de 30.024,81 euros por empresa.
| Número | Capital | Capital medio | |
|---|---|---|---|
| Sociedades Mercantís (Total) | 420 | 12.921.544 | 30.765,58 |
| Sociedades Anónimas (SA) | 0 | 0 | 0,00 |
| Sociedades Limitadas (SL) | 415 | 12.460.298 | 30.024,81 |
| Outras sociedades | 5 | 461.246 | 92.249,20 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
Atendendo á actividade económica, o 15,48% das empresas creadas en xullo de 2026 pertencen á rama de Comercio. As seguintes actividades en importancia son Actividades inmobiliarias, financeiras e de seguros (co 13,81% das constitucións rexistradas en xullo de 2026), Construción (co 13,10%), Información e comunicacións (co 12,86%) e Hostalaría (co 10,48%).
Sociedades mercantís constituídas segundo a actividade
económica. Galicia.
Xullo de 2026.
Fonte: IGE. Explotación do Boletín Oficial do Rexistro Mercantil (BORME). (descarga da táboa).
A presenza masculina segue a ser maioritaria na creación de empresas. En xuño de 2026 rexístráronse 368 socios fundadores homes, que representan o 74,19% do total, fronte a 128 socias (25,81%).
| Sexo | Dato | Porcentaxe |
|---|---|---|
| Homes | 368 | 74,19 |
| Mulleres | 128 | 25,81 |
| Total | 496 | 100,00 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
As sociedades mercantís creadas en Galicia seguen caracterizándose por contar cun número reducido de socios, limitado nunha porcentaxe moi elevada das constitucións a unha soa persoa. De feito, en xullo de 2026, o 77,38% das sociedades constituídas foron creadas por un único socio fundador e o 17,62% por dous socios.
3. Disolucións, reducións de capital e transformación de sociedades
En xullo de 2026 disolvéronse 112 sociedades mercantís en Galicia, 21 máis que no mes anterior e 29 máis que no mesmo mes de 2025. No conxunto do ano rexistráronse 996 disolucións, cifra similar á observada no mesmo perído do ano anterior. Durante este mes 31 sociedades reduciron o seu capital social, rexistrouse 2 procedementos de fusión de sociedades e un procedemento de escisión.
O mes de xullo de 2026 pechou con 20 sociedades afectadas por concurso de acredores, 4 menos que no mesmo mes do ano anterior.
| Tempo | Realiza escisión | Fusionadas | Situación concursal |
|---|---|---|---|
| 2025/Xullo | 0 | 3 | 24 |
| 2026/Xuño | 0 | 1 | 6 |
| 2026/Xullo | 1 | 2 | 20 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
4. Distribución das constitucións por concellos
A distribución territorial da creación de sociedades non presenta cambios significativos respecto a meses precedentes, polo que se mantén o patrón habitual de concentración nas áreas urbanas e nas súas contornas.
Sociedades mercantís constituídas segundo o concello de inscrición nos últimos 12 meses. Galicia.