Explotación do Boletín Oficial do Rexistro Mercantil (BORME).
Datos correspondentes a xuño de 2026
Data de publicación: 02/07/2026
descarga en pdf
Principais resultados
En xuño de 2026, rexistráronse en Galicia 396 constitucións de sociedades mercantís, 40 máis que no mes de maio.
No mes de xuño, notificáronse 91 disolucións de sociedades mercantís en Galicia, 12 menos que o mes anterior.
1. Constitucións e ampliacións
En xuño de 2026 constituíronse en Galicia 396 sociedades mercantís, o que supón 40 constitucións máis que no mes anterior e 50 menos que no mesmo mes do ano anterior.
| Dato do Mes | Variación absoluta mensual | Variación absoluta interanual | |
|---|---|---|---|
| Sociedades constituídas | 396 | 40 | -50 |
| Sociedades que amplían capital | 91 | -10 | 3 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
| Dato do Mes | Taxa de variación mensual (%) | Taxa de variación interanual (%) | |
|---|---|---|---|
| Sociedades constituídas | 18.201.030 | 26,18 | -39,61 |
| Sociedades que amplían capital | 295.534.815 | 189,35 | 931,88 |
Pola súa parte, 91 sociedades mercantís ampliaron o seu capital social durante este período, 3 sociedades máis que as rexistradas hai 12 meses. O capital ampliado por estas sociedades ascendeu a 295,53 millóns de euros.
Como en meses precedentes, as provincias de A Coruña e Pontevedra continúan concentrando o maior número das novas sociedades mercantís constituídas en Galicia (46,21% e 36,62%, respectivamente), mentres que Lugo e Ourense representaron o 8,84% e o 8,33% restante.
| Espazo | Número | Porcentaxe |
|---|---|---|
| Galicia | 396 | 100,00 |
| A Coruña | 183 | 46,21 |
| Lugo | 35 | 8,84 |
| Ourense | 33 | 8,33 |
| Pontevedra | 145 | 36,62 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
2. Demografía das empresas constituídas
O capital medio1 subscrito polas sociedades constituídas en xuño de 2026 ascendeu a 45.962,20 euros por sociedade.
A práctica totalidade das empresas constituídas en xuño de 2026 en Galicia adoptaron a forma xurídica de sociedade de responsabilidade limitada. O capital medio subscrito por este tipo de sociedades foi de 45.556,20 euros por empresa.
| Número | Capital | Capital medio | |
|---|---|---|---|
| Sociedades Mercantís (Total) | 396 | 18.201.030 | 45.962,2 |
| Sociedades Anónimas (SA) | 3 | 340.000 | 113.333,3 |
| Sociedades Limitadas (SL) | 392 | 17.858.030 | 45.556,2 |
| Outras sociedades | 1 | 3.000 | 3.000,0 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
Atendendo á actividade económica, o 15,66% das empresas creadas en xuño de 2026 pertencen á rama de Actividades inmobiliarias, financeiras e de seguros. As seguintes actividades en importancia son Comercio (co 14,39% das constitucións rexistradas en xuño de 2026), Resto de servizos (co 12,37%), Información e comunicacións (co 11,87%) e Construción (co 11,62%).
Sociedades mercantís constituídas segundo a actividade
económica. Galicia.
Xuño de 2026.
Fonte: IGE. Explotación do Boletín Oficial do Rexistro Mercantil (BORME). (descarga da táboa).
A presenza masculina segue a ser maioritaria na creación de empresas. En xuño de 2026 rexístráronse 323 socios fundadores homes, que representan o 72,26% do total, fronte a 124 socias (27,74%).
| Sexo | Dato | Porcentaxe |
|---|---|---|
| Homes | 323 | 72,26 |
| Mulleres | 124 | 27,74 |
| Total | 447 | 100,00 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
As sociedades mercantís creadas en Galicia seguen caracterizándose por contar cun número reducido de socios, limitado nunha porcentaxe moi elevada das constitucións a unha soa persoa. De feito, en xuño de 2026, o 77,02% das sociedades constituídas foron creadas por un único socio fundador e o 19,19% por dous socios.
3. Disolucións, reducións de capital e transformación de sociedades
En xuño de 2026 disolvéronse 91 sociedades mercantís en Galicia, 12 menos que no mes anterior e 2 máis que no mesmo mes de 2025. Durante este mes 23 sociedades reduciron o seu capital social, rexistrouse 1 procedemento de fusión de sociedades e non houbo ningún procedemento de escisión.
O mes de xuño de 2026 pechou con 6 sociedades afectadas por concurso de acredores, 15 menos que no mesmo mes do ano anterior.
| Tempo | Realiza escisión | Fusionadas | Situación concursal |
|---|---|---|---|
| 2025/Xuño | 1 | 1 | 21 |
| 2026/Maio | 0 | 3 | 10 |
| 2026/Xuño | 0 | 1 | 6 |
| Fonte: IGE. Explotación do Boletín Oficial do Rexistro Mercantil (BORME). (descarga da táboa). |
4. Distribución das constitucións por concellos
Sociedades mercantís constituídas segundo o concello de inscrición nos últimos 12 meses. Galicia.